Pupuh Sinom

Lirik Pupuh Sinom

Gelenyu :

Sinom lagu kapungkur, Sinom pupuh buhun,

Pikeun ngaguar rasa, rasa Sunda ayeuna,

Sinom lagu kapungkur, Sinom pupuh buhun,

Pikeun ngaguar rasa, rasa Sunda ayeuna,

Sinom ...., Sinom ...., Sinom ...., Sinom,

Sinom ...., Sinom ...., Sinom ...., Sinom,

Wanda Sekar Irama Merdika :

Ajén inajén budaya,

keur ngasah budi pekerti,

sanajan geus robah jaman,

sing bisa ngigelkeun diri,

dina jaman industri

parigel tur loba élmu,

kudu ngasah pangabisa,

jauh tina tuna diri,

panceg diri bari iman ka Pangéran.

Wanda Sekar Irama Tandak :

Mangsana nyangga budaya,

budaya ibu pertiwi,

rumawat budaya Sunda,

na jaman globalisasi,

mangkadé ati-ati,

pangaruh budaya batur,

prak cangking ajén Ki Sunda,

sangkan panceg ajén diri,

ngangkat martabat Ki Sunda sangkan jaya.